Hemvervatoxanê Komîsyonê Kede yê DEM Partî Sevtape Akdag  Karahali û Mehmet Bozgeyîkî bi eşkerayîya nuştekîye vera hêrişê vera karkeran ê kurdan nêrazîbîyayîş mona.

Eşkerayîye de nê ameyî vatene: ''29ê hezîrane qezaya Seydikemerî ya Mugla de vera karkeran ê citkaran ê mêrdînijan hêrişo nîjadperest ame kerdene. 20-25 hêrişakaran bi kard, çuye û çeke hêrişê çar karkeran kerd. Erme, sere û qorê karkeran ameyî kiştene û bi hewayêkê giranî birîndar bîyî.

Rixmo ke karkeran gerreyê hêrişkaran kerd heta nika hema derheqê hêrişkaran de cipersayîşêk nêdîyayo destpêkerdene. Her wext waranê cîyayan ê welatî hêrişê winayên benî. Nê pêro netîceya polîtîkaya hêrişkare ya îqtîdarî ya. Sîyasetê şer û şîdetî yê vera kurdan verê nê hêrişan akeno.

Ma vera polîtîka û caardişanê ke vera hêrişê vera nasnameyê kurdan akenê, bêveng nêmanenê. Îqtîdaro sîyasî ganî cade no ziwanê xo yê dişmenîye yê vera kurdan polîtîkaya hêrişkare caverdo. Ganî cade derheqê hêrişakran de cipersayîş bêro destpêkerdene û  hêrişkarî reyna bêceza meverdîyê merê xelatkerdene.

Ma do sey DEM Partî prosesê huqûqî teqîp bikerê, vera hêrişê nîjadperestî û sîyaseto ke ey afirneno têkoşînê bi qerardarî bidomnê.''