AKP weçînayîşê 31ê adare de bi weçinîtoxanê sexteyan û xeylêk metodanê bînan kerd ke  bajaranê Kurdîstan de ser bikewo. Rixme heme kayanê leyminan zafê Kurdîstanî de DEM Partî bi ferqê pîlî ser kewt.

Bedlîs de polîs û leşkerî teberê bajarî ra kirişîyayî tîya rayê sexteyî şuxulnayî. AKPyî bi xîleyan û dizdîye 8 hezar û 900 rayî, DEM Partî zî 8 hezar 702 rayî girewtî. 2 hezar û 18 rayî zî nêameyî hesibnayene ke eşkenê netîceya weçînayîşî bibedilnê. Îtîrazê DEM Partî yê hetê Heyetê Weçînayîşî yê Bajarî ra ame redkerdene. Naye ser o DEM Partî semedê newera hûmartişê rayan muracatê Heyetê Weçînayîşî yê Berzî (YSK) kerd.

Qers de zî seba ke teberê bajarî ra weçînitoxê sexteyî kirişîyayî bajarî DEM Partî waşt wa bajar de newera weçînayîş bêro kerdene la no waştişê ci hetê Heyetê Weçînayîşî yê Qeza û Bajarî ra ame redkerdene. Naye ser o DEM partî muracatê YSKyî kerd.