DEM Partî û DBPyî derheqê pêvînayîşê bi Rayber Apoyî de eşkerayîye daye. 

DBPyî vat: ''Babeta çareserîya meseleya kurdan de ma wextêkê tarîxî ra derbaz benê. Perspektîfê çareserîye yo ke Abdullah Ocalanî pêşkêş kerdo tarîxî yo. Seke ey vato vurîyayîşêko demokratîk lazim o. Çareserîya na mesele bi sîyasetî, bi hemkarîye û tewbîyayîşê dînamîkanê demokratîkan mumkîn a. Coka îradeyê Birêz Abdullah Ocalanî girîng o. Wext seba haştîya rûmetêne wextê nîşandayîşê çêrî û ferasetî yo.''

Hemserekanê Pêroyîyan ê DEM Partî Tulaye Hatîmogullari û Tuncer Bakirhanî zî derheqê babete de hesabanê xo yê medyaya dîjîtale de mesajî dayî.

Tulaye Hatîmogullari vat: ''Xurtkerdişê îtîfaqê kurdan-tirkan û destpêkerdişê prosesêkê demokratîkî û haştîyaneyî hinî mesuldarîyêk a û nêbeno ke na bêra taloqkerdene. Meclîs zemînê nê prosesî yo tewr girîng o. Rayîrê haştîye, demokrasî û wayûbiratîye pabesteyê gamanê cesuran ê. Sey DEM Partî çi bikewo milê ma, ma do nê prosesî de bikerê. Ma safhayêka tarîxîye de yê û ma eşkenê ameyoxê xo roşnî bikerê.''

Tuncer Bakirhanî vat: ''Ercnayîşê Birêz Ocalanî yê Îmraliyî çarçewa çareserîye û haştîye de yê. Derbazkerdişê têkilîyanê tirk-kurdan do haştîya rûmetêne bîyaro. Nê prosesî de mesuldarîyêka pîle kewena milê pêro dormeyanê sîyasîyan û Meclîsî. Serebûtê Gazze û Sûrîye mojnenê ke hinî taloqkerdişê çareserîye rê tehamul nêmendo. Ma seba haştîye, demokrasîyî û wayûbiratîye veng danê. seba Tirkîya û herême ma arefeyê vurîyayîşê demokratîkî deyê. Wextê haştîye, cesaret û ferasetî ameyo.''