Demîrtaşo ke Zîndanê Tîpê F’yî yê Girewteyî yê Edîrne de tepişte yeno girewtene bi peyamo ke serê hesabê xo yê Twîtterî ra pare kerd veng da ke sindoqan rê wayîr bêro vejîyayene.

Demîrtaşî vat, “Merheba, şima senî yê? Ma şinê sindoqan, nê? Raya xo qetîyen bişuxulnê û heta hûmaritiş biqedîyo sindoqe ra dûrî mekewê. Şan de ma netîceyanê rindan pîya û bi kêfweşî temaşe bikerê.”

Demîrtaşî resimêkê mîrçike ke xêz kerdibi zî pare kerd û vat, “Ez wazena ke na xebata xo ya resimî zî şima dir pare bikerî. Bi umîdo ke do meşte hîna bibo rind…”