Demîrtaşî ra, seba şarê Çewlîgî peyam
Hemserekê Pêroyî yê HDP’yî yo verên Selahattîn Demîrtaşî, seba şarê Çewlîgî yew peyam erşawit û va “Ez zana ke şima do şexsê Hişyar Ozsoy û Senem Çakase de, HDP’yî bikê serkewte”.
Selahattîn Demîrtaşî Hepisxaneyê Edîrne ra şarê Çewlîgî rê yew peyamo bi destnuşteyê xo erşawit.
Demîrtaşî peyamê xo de wina va: ”Ez şarê Çewlîgî bi hersete, bi heskerdiş silam kena. Ez bawer kena, welato ke ez hesretê hawa û awa ciya do 31’ê Adare de ma bikero sereberz. Reyna ez bawer kena ke şima şexsê namzedanê ma Senem Çakase û Hişyar Ozsoyî de, HDP’yî do bikerê serkewte. Ma do rojanê azadan de bêrê têhet.”
