Hemserekê Pêroyî yê Partîya Şaran a Demokratîke (HDP) yo verên Selahattîn Demîrtaş o ke sey rehîn yeno tepiştene hesabê xo yê twîter ser ra semedê weçînitişî veng da.

Vengdayîşê Demîrtaşî wina yo:

Ez zana wextê weçînitişî de ge-ge şima hêrs bîyî û sere wedart. Şima biheq ê. La ma hînî çîyê wînayên xo dima verdayî. Roja Şeme sindoqî yenê ronayene.  Gama ke şima şinê sindoqan ser çîyanê wirdîyan dima mekewenê. Çîyêke ma dîyê, antê xo vîra mekerên. La ameyox hîna muhîm o.Semedê ameyoxêkê hîna rindî paşt bidenê stratejîya partîya ma HDP’yî. No yew firsato. Her çî destê şima de yo.Tena cayê ke ma do qeyûm ra peyser bigêrê de nê, her ca de şorên sindoq ser û cayêke namzedê ma çînê zî bi stratejîya HDP’yî  hêza ma ramojnenê. Bitaybetî zî ciwanê ke newe rey şuxulnenê venga înan dana. Beno ke şima vajî,‘Reya mi çîyêk nêbedilnena‘ qetîyen wina mevajenê. Reya xo bişuxulnênê. Paşta mi şima ra pît a. Şewa weçînitişî belka ma pîya nêyê la ez hucre yê xo de şima ya pîya ewnîyena ekran ra. Umîd kena ke ma pîya reyanê şima o ekran de vînenê û şay benê. Heskerdiş û silamî.‘‘