Tepişte Turgay Denîzo ke Zîndanê Metrisî de ame qetilkerdene ame definkerdene. Destur nêdîya ke birayê Denîzî yo tepişte tewrê merasîmê cenaza bo.

Cenazaya Denîzî Nêweşxaneyê Sineyî yê Yedîkule ra ameye girewtene û ameye berdene Camîya qezaya Sultanbeylîyî. Bado ke wecîbeyê dînîyî ameyî caardene cenzaya Denîzî binê abluqaya ameye berdene Goristanê Osmangazîyî.  Hemserekê HDPyî yê Îstanbulî Ferhat Encu û îdarekar û endamê rexistena Sultanbeylîyî tewrê merasîmê cenaza bîyî.

Birayê Denîzî Ulaş Denîzo ke Zîndanê Kandira de yeno tepitene waşt tewrê cenaza bibo la destûr nêdîya ci. Keyeyê Denîzî Komeleya Hetkarî û Paştdayîşî ya Betlîsîjan a ke Kavakpiranê Pendîkî de ya de tezîye naye ro.