Weçînayîşanê 31ê adare de DEM Partî qezaya Depe ya Xarpêtî de şaredarîye qezenç kerde.

Qeza de weçînayîşanê 2019î de namzedê AKPyî ser kewtbi. Hemşaredaranê Depe Songule Duzgun û Cafer Ogurî vizêr mazbataya xo girewte. 

Hemşaredarî Cafer Ogurî ANFyî rê qisey kerd û da zanayene ke ê mazbataya xo reyde şîyê bînaya şaredarîye la şaredarê verênî xo nêmojnayo ra. Ogurî vat: ''Şaredarê verênî xo ma ra nimit, şi. Înan waşt ke bi karmendan şaredarîye ma rê teslîm bikerê. Ma şaredarîye girewte la ma do qetî binê dosyayanê deynan de îmzaya xo nêdaye. Hêverî ma do pêro deynan û bêusûlîyan eşkera bikerê dima ma do îmza bikerê. Eke şarê ma zî nê prosesî de wayîrê heqanê xo nêvejîyo bi sîstemê qeyûmî yê neweyî hêrişê ma do bêro kerdene. Şarê ma ganî tim hişyar bibo.''