Menga Xizirî de elewîyî hîrê rojan rojeyê Xizirî gênê û dima zî Cemê Xizirî kenê. Şaristanê Kolnî yê Almanya de zî Dergehê Federasyonê Elewîyan ê Demokratîkî (FEDA) de Cemê Xizirî ame kerdene.

Paris, Dortmund û Levelkuzenî ra zî xeylêk elewîyî tewrê cemî bîyî. 

Hemsereka FEDA Hurîye Kabayel cemî ra ver qisey kerd û vat: ''Ma seba yadkerdişê Xizirî rojeyê xo girewtî, çerayê xo vistî ta, semah kerd û loqmayê xo vila kerdî. Ma seba ê kesanê ke tengayîye de  yê ardim kerd. Nika ganî ma dergehanê xo de bibê yew.''