Goreyê xebera Ajansê Mezopotamya, Serdozgerîya Komara ya Amedî derheqê 19 parlamenteran ê ke reaksîyon nêmojnayo qiseykerdişê Hemsereka HDP'yî Pervîn Bûldane û Serekwekîla Gruba HDP'yî Fatma Kûrtûlane de fezlekeyî ameyî amadekerdene.

Dozgerîye seba ke Pervîn Bûldane 27-28'ê Teşrîna Verêne 2018 de Otelê Demîrî yê qezaya Sûrî de kombîyayîşê “Çareserîya Neteweya Demokratîke û Krîzê Rojakewtena Mîyanêne” de  qiseykerdişê xo de propanganda kerda û reyna derheqê Fatma Kûrtûlane de seba ke 9'ê 2018 de çalakîya verê AZC Plaza ya Ofîsî yê Amedî de vera operasyonê 100 kesanê ke Amed de amebî destbendkerdene de eşkerayîye daya û propaganda kerda, fezlekeyî amade kerdî.

Dozgerîye derheqê Bûldane de seba ke qiseykerdişê xo de propagandaya rêxistine kerda û 11 parlamenteran zî seba ke reaksîyon nêmojnayo ci fezlekeyî amade kerdî. Reyna derheqê Kûrtûlane de seba ke propagandaya rêxistine kerda û 8 parlamenteran reaksîyon êmojnayo ci fezlekeyî amade kerdî.

19 parlamenterê ke derheqê ci de fezlekeyî ameyî amadekerdene wina yê:

Sait Dede, Semra Guzele, Tayip Temel, Omer Faruk Gergerlîoglu, Omer Ocalan, Şevîn Coşkune, Gulîstan Kiliç Koçyîgîte, Mehmet Ruştu Tiryakî, Meral Daniş Beştaşe, Fatma Kûrtûlane, Remziye Tosûne, Tuma Çelike, Abdullah Koç, Serpil Kemalbaye, Bedîa Ozgokçe Ertane, Pero Dundar, Salihe Aydenîze, Ebrû Gunaye û Nuran Îmîre."