Goreyê eşkerayîya wezîrîye verê Mudirîya Asayîşî ya Wezîrîya Karanê Zereyî de çalakîya bi bomba ameya kerdene û çalakîye de 2 polîsî birîndar bîyê.

Goreyê eşkerayîya wezîrîye di çalakîkeran ra yewî/e sereyê xo de bomba teqnaye û oyo/aya bîn/e zî ame/ye pirodayene. Derheqê çalakîye de agahîyêka bîne nêameye dayene.

Hetê bînî ra Serdozgerê Komare yê Anqara derheqê çalakîya bi bomba ya vera Wezîrîya Karanê Zereyî de qedexeyê weşaneyî îlan kerd û pê hesna ke derheqê çalakîye de tehqîqat dîyayo destpêkerdene.