Zanîngehê Munzurî da zanayene ke ê do seba termînê wisarî 600 wendekaranê xerîban qebul bikerê.

Wekîlê HDPyî yê Îstanbulî Alî Kenanogluyî derheqê mesele de eşkerayîyêka nuştekîye daye.

Kenanogluyî ard ziwan ke nê 600 wendekarî zêdêr welatanê selefîyan ra yenê û rayberîyê xebetanê asîmîlasyonî yê Zanîngehê Munzurî kenê.

Kenanogluyî pare kerd ke ganî goreyê bawerî, tradîsyon û kulturê şaristanan wendekarî bêrê qebulkerdene. Kenanogluyî eşkera kerd ke Zanîngehê Munzurî xîret kena ke Dêrsim de kultur û bawerîya elewîtîye çin bikero. 

Kenanogluyî da zanayene ke 422 sûrîyeyîjî, 31, somalîyîjî, 30 misirijî, 76 afgan, yemenijî, fars, bangladeşij, lîbyayîj, urdunijî bi temamî 600 wendekarî Zanîngehê Munzurî rê ameyî qebulkerdene. 

Kenanogluyî peynîya eşkerayîya xo de wina vat: ''Nê wendekarî wayîrê kamyew kultur û bawerî yê? Nê pêro ma qerqilnenê. Xora Zanîngehê Munzurî pê xebatanê xo yê asimîlasyonî zanîyeno. ''