Platformê Demokrasî û Kede yê Dêrsimî felaketê ocaxê madenî yê Bartinî ser o Kuçeyê Hunerî de eşkerayîyêke daye. Eşkerayîye de pankarta bi nuşteyê 'Vizêr Soma, Ermenek ewro Bartin. Qeza nîya, qeder nîyo qirkerdiş o' ameye akerdene. 

Serekê Partîya Kede (EMEP) yê Dêrsimî Ergîn Tekînî îfade kerd ke pê vateyê 'qeza' mesuldarê nê felaketî yenê mîyankerdene. Tekînî felaketê madenî yê bînî vistî vîrî û vat: ''2019 û 2020 de mufetîşanê Wezîrîya Asayîşê Komelkî û Xebate madenê Amasra kontrol nêkerdo. Wayîrê nê madenî Mehmet Hattat o ke Erdoganî pê yew telefonî tira 'teyaraya milîye' waştbî. 

Qirkerdişê Amasra netîceya bêkontrolverdayîş, hirsê karî û peygoşîya asayîşê karkeran de qewimîya. Heta ke mesuldarê nê qirkerdişî bêrê muhakemekerdene ma do vengê xo berz bikerê û têkoşînî rê dewam bikerê.''