Hemşaredaro verên ê Dêrsimî Alî Bulî dewaya ka rîyê ''hemserekîye'' ra ci rê amebî akerdene de beraat kerd.

Hemşaredaro verên ê  DBPyî yê Dêrsimî Alî Bulo ke 2016 de hetê wezîrîya karanê zereyî ra karê ci ra ame dûrîfînayene û herinda ci de qeyûm ame cakerdene rîyê '2hemserekîye'' ra ci rê dewa amebî akerdene.  

Dewa ke bi îdîaya ''bi caardişê hemserekîye wezîfe xirab ameyo şuxulnayene'' ameye akerdene roniştişê ci vizêr Mehkemeya Ceza Aslîye ya 1. ya Dêrsimî de ameye kerdene. Roniştişo ke Alî Bul tewrê ci nêbi de avutaci Bariş Yildirim amede bi. Mehkeme ''hemserekîye'' sey sûcî nêdîye û qerarê beraatî girewt.