Platformê Kede û Demokrasîyî yê Dêrsimî semedê yadkerdişê Seyîd Riza û embazê ci eşkerayîyêke organîze kerde.Wekîlê HDPyî Ebru Gunay, Tulaye Hatimogullari û Alican Onlu zî tewrê aktîvîteya yadekrdişî bîyî.

Polîsan destûr nêda ke şar bikewo  Meydanê Seyîd Rizayî. Ebru Gunaye û Alîcan onluyî dekewtişê meydanî de eşkerayîye daye. Onluyî vat: ''Ganî dewlete nê terteleyî de bêro têrî la herinda nê de desturê vîrardişî zî nêdîyeno. Seyîd Rizayî verê înan de milê xo çewt nêkerd. Ma nê estengkerdişî sey dewanê terteleyî vînenî û lanet kenê.''  Ebru Gunay zî vat: ''Beno ke ewro gorê Seyîd Rizayî çîn o, la o zerrîya ma de, waranê xoverdayîşî de ciwîyeno. Cayê ey her cayê Kurdîstanî yo ke tede xoverdayîş esto.''

Badê eşkerayîye çalakîya roniştişî ameye kerdene. Dima ra hunermendan Erdogan Emîr, Metîn Kahraman û Musa Bakîyî deyîşî vatî. Şar dima pê wesayîtan şi Kerreyinê Halvorî yo ke Dola Munzurî de yo.

Selman Yeşilgozî ke tîya bi nameyê Platformê Kede û Demokrasîyî qisey kerd vat: ''280 kesanê ke waşt tertele, zulum û tacîrî ra xo bixelisnê û nê kerreyinî ra eşte war.'' Tîya leşkeran waşt dest bidê dîmenanê rojnamegeran ser. Muneqeşe vejîya.  Dima ra Tulaye Hatimogullari qisey kerd. Hatimogullari vat: ''Şîdet, tertele, û asîmîlasyon ê ke Koçgorî, Dêrsim û cayanê bînan de vera elewîyan ame kerdene hema dewam keno. Dima ra mumî ameyî tafînayene û vilîkî erzîyayî Munzurî. Çalakîye bi vatişê deyîra 'Daye daye' qedîyaye.