Leşkeranê artêşa tirke  ya îşxalkre saetanê serê sibayî eşt dewa Bilêxşê ya Kercewsî ser û dewe girewte binê ablûqa. Dewijî camî de ameyî komkerdene û keyeyan de cigêrayîş ame kerdene. Sereştiş de 7 kesî bi derbkerdişî ameyî destbendkerdene.

Hêrişê îşxalê ke qezaya Heskîfî ya Êlihî de 18ê hezîrane de herêma Koyê Mawa de amebî  destpêkerdene û 22ê hezîrane de qezaya Kercews de vila bibî, dewam kenê. Dewa Bilêxşê de ablûqa û sereştişê keyayan zî dewam kenê.

Merkezê Êlihî de zî polîsan taxa Bayindirlikî de eşt keyeyan ser. Abdulcelil Gitmez û cinîya ci Yuksele Gitmez ameyî destbendkerdene û ameyî berdene Fermandarîya Cendirmeyan a Batmanî.