Roniştişê dewaya Hrant Dînkî de  2 kesê bînî ameyî veradayene û dewa tarîxanê 11,12 û 13’ê Hezîrane rê ameye taloqkerdene.

Roniştişê dewaya Pêroyî yê Weşan ê Rojnameyê Agosî Hrant Dînk roja 3’ine de dewam kerd. Vergumananê girewte yê bi nameyê Ramazan Akyurek, Ercan Gun, Muharrem Demîrkale û Yavuz Karakaya bi rayîrê SEGBÎS’î tewrê roniştişî bîyî. Alî Oz o ke cezaya xo keye de anceno û vergumanê bîn ê negirewteyî Murat Bayrak, Adem Sarigol û Reşat Altay zî tewrê roniştişî bîyî. Roniştişê dewaya Hrant Dînkî de wezîfedarê Beşê Îstîxbaratî yê Cendirmeyan ê Stenbolî Muharrem Demîrkale û Mudirê Xeberan ê FOX TV’yî Ercan Gun ameyî verdayene. Dewa de teyna di vergumanî nika girewte yê. Dewa tarîxanê 11,12 û 13’ê Hezîrane rê ameye taloqkerdene.