Dewaya Kobanê  ya ke sere de Hemserekê verênî yê HDPyî Fîgene Yuksekdag û Selahattîn Demîrtaş zî tede 108 sîyasetmedarê kurdî yenê muhakemekerdene roniştişê ci yê 2. dest pêkerd. Roniştişî ra verî polîsanê tirkan zere û dormeyê Zîndanê Sîncanî girewt binê ablûqa, avûkat û wekîlî pê bahaneya 'bomba esta' teber de vindarnayî.

Polîsan salona mehkeme zî girewte binê ablûqa û destûr nêda ke rojnamegerî dewa seyr bikerê.

Hemvervatoxê HDPyî Sedat Şenoglu, Hemserekê Partîya Sosyalîste ya Bindestan (ESP) Şahîn Tumuklu, wekîl û îdarekarê HDPyî tewrê roniştişî bîyî. Pisporê Delegasyonê Tirkîya yê Yewîya Ewropa (YE) zî dewa teqîb kenê.