Dewaya Kobanê ya ke Hemserekê verênî yê HDPyî zî tede 108 kesî muhakeme kena, roniştişê ci yo 25. Kampusê Zîndanê Sîncanî de ame kerdene.

Heyetê mehkeme waştişê veradîyayîşê tepişteyan red kerd û derheqê Sirri Sureyya Ondero ke bîyo wekîl de bire daye ke waştişê wedaritişê kontrolê edlîyî û muhakemekerdişî ser o Meclîsî rê nuşte bêro nuştene. Bire dîyaye ke wa Meclîsî rê bêro perskerdene ke Onder wekîl o yan ney û goreyê cewabî waştiş bêro ercnayene.

Roniştişê dewa yo bîn 3yê temmuze de do bêro kerdene.