Dewaya sîyasetmedaran ê kurdan ameye kerdene

3ê ci Zîndanê Stamheimî û 2ê ci Stuttgart de 5 sîyasetmedarê kurdî Almanya de yenê hukmkerdene. Dewaya sîyasetmedaran ameye kerdene.

3ê ci Zîndanê Stamheimî û 2ê ci Stuttgart de 5 sîyasetmedarê kurdî Almanya de yenê hukmkerdene. Dewaya sîyasetmedaran ameye kerdene.

Dewaya Veysel S., Agît K., Ozkan T. bi hawayêkê tepişteyî dewaya Cîhan A. û Evrîm A.î zî bi hawayêkê nêtepişteyî Salona Zîndanê Stammheimî de ameye kerdene.

Roniştişê dewa de avûkata Evrîm A. Fransizka Nedelmann açernayîşê qiseykerdişê telefonî yê Evrîm A. qebul nêkerd û waşt ke newe ra bêro açarnayene.

Roniştiş de eşkera bi ke îfadeyê Ridvan O.yî raşt nîyo ke îdîa kerdbi ke ey Veysel S. serra 2003î de koy de dîyo ke yewî înfaz kerdêne. Goreyê belgeyanê Tirkîya Veysel S. hezîrana 2002î de ameyo Almanya û zîndan de mendo. Heyetê mehkeme qebul kerd ke îfadeyê Ridvan O.yî raşt nîyo.

Roniştiş taloqê 17ê êlula 2020î ame kerdene. 17ê êlule de saete 15:00 de FCK, NCDK, AGÎF do avûkatan reyde nawnayîşêk bikerê û eşkerayîye bidê.