Dewaya Stuttgartî ke 19ê nîsana 2019î ra dewam kena de kurdêk ame veradayene.

Cîhan A. badê 3 serran û 5 mengan û Evrîm A. badê 17 mengan serbest ameybî  veradayene. Veysel S., Ozkan T., Egîd K. zî  nêzdê 3 serran o tepişte yê.

Dewaya ka Stammheim de di serrî yo yena domnayene roniştişê ci yê 92. ewro ame kerdene. Rîyê janî têna çar-panc kesî gerîyayî salona mehkeme. Kurdê ke yenê muhakemekerdene pê çapikan kewtî zere.

Veysel S. yo ke tepişte yeno muhakermekerdene cezaya 4 serran û 3 mengan dîyaye ci. Egîd K.yî rê zî cezaya 3 serran ameye dayene. Seba ke Egîd K.yî zîndan de şayîya Newroze kerda estra yew serre ceza dîyaye ci. Mehkeme cezaya 3 serran daye Ozkan T.yî û derheqê ey de qerarê verdayîşî da. Evrîm A. û Cîhan A. yê ke bêtepişte yenê muhakemekerdene înan rê zî cezaya 1 serre û 6 mengan ameye dayene.