Serekê verênî yê Dayîreyê Îstîxbaratî yê Fermandarîya Pêroyî Îsmaîl Hakki Pekînî kanalêk de îtîraf kerd ke Qirkerdişê Parisî operasyonê dewlete bi. KCDK-E û TJK-E venga hukmatê Fransa da ke mesuldarîya xo bîyarê ca.
Serekê verênî yê Dayîreyê Îstîxbaratî yê Fermandarîya Pêroyî Îsmaîl Hakki Pekînî kanalê CNN Turkî de 16ê sibate de bernameyêk de pare kerd ke ganî vera îdarekaranê KCKyî hêriş bêro kerdene.
Pekînî nê bernameyî de Qirkerdişê Parisî îtîraf kerd û vat: ''Ewropa de zî îdarekarê înan estê. Ganî ma çîyêk bîyarê Ewropa ser. Yanî verî Paris de amebi kerdene, heya.''
Paris de 9ê çeleyê 2013î de ronayoxa PKKyî Sakîne Cansiz, Temsîlkara KNKyî ya Parisî Fîdane Dogan û Endama Têgêrayîşê Ciwanan ê Kurdan Leyla Şaylemez ameybî qetilkerdene. Tehqîqatê qirkerdişî de rolê MÎTî eşkera bibi û tewrê îdîanameyî amebi kerdene.
KCDK-E û TJK-E pê eşkerayîyêje venga hukmatê Fransa da ke mesuldarîya xo bîyarê ca. Eşkerayîye de ame vatene ke ganî Fransa nê îtîrafî sey delîl qebul bikera û sere de Erdogan pêro sûcdaran hukm bikera.
