Kurdê dewa Timoninoyî ya qezaya Dergaçî ya şaristanê Saratovî ya Rûsya seba ke hêrişanê dewleta tirke yê vera Herêmanê Pawitişî yê Medya, Şingal û Mexmûrî şermezar bikerê kom bîyî.

Nameyê çalakîkeran ser o Serekê Otonomîya Kultur û Neteweyî ya Kurdan a Dargeçî Îsmaîl Yusubovî qisey kerd. Yusubovî pare kerd ke hêrişê dewleta tirke çarçewa newekerdişê komploya mîyanneteweyîye ya vera Rayberê Şarê Kurdî Abdullah Ocalanî de yenê kerdene.

Eşkerayîye de ama vatene ke şarê kurdî têna pê yewîye eşkeno heqê nê hêrişan ra bêro. Çalakîye de Endamê Komîteya Merkezî ya PKKyî Kasim Engîn zî ame yadkerdene.

Yusubovî venga rayaumûmîye da ke vera bêhuqûqî û bêedaletîya vera şarê kurdî bêveng nêmane.