Ewro 10.00 de verê bînaya Şaredarîya Maisonî  ya Fransa de eşkerayîyêke bêra dayene. Eşkerayîye ra verî mesajêk ame dayene. Mesaj de bale ameye antene tedayanê polîsanê Fransa yê vera kurdan ser.

Xeylêk partîyê çepî, sendîka, têgêrayîşê sîyasî, komeleyî zî tede 27 dezgehan pê serrnameyê 'Ganî bêrehmîya Fransa ya vera kurdan biqeda' eşkerayîyêka hempare dîyaye. Eşkerayîye de ame vîrvistene ke hewteyanê verênan de polîsê Fransa kurdan kenê hedef, hêrişê komeleyanê kurdan kenê, kurdan destbend kenê. Eşkerayîye de ame parekerdene ke cara Tirkîya de kurdî maruzê tedayanê rejîmê Erdoganî manenê û nêbeno ke Fransa de zî heman rewşe bêra dîyene. Eşkerayîye de venga hukmatê Fransa ame dayene ke wa hînî kurdan krîmînalîze nêkera.

Dezgehanê Fransa da zanayene ke Tirkîya de bi hezara tepişteyê sîyasîyî estê û venga Ewropa û hukmatê Fransa da ke wa PKK lîsteya terorî ra vejê. Dezgehan heman wextî de waşt ke wa Fransa peynîya tedaya vera kurdan bîyara. 

Nê dezgehan morê xo da binê eşkerayîye:

AIAK (Association Iséroise des Amis des Kurdes) ; CGT Isère ; Comité Isérois de Soutien aux Sans Papiers ; Cisem (coordination iséroise de solidarité avec les étrangers et migrants) ; CNT 38 (Confédération Nationale du Travail) ; DAL 38 ; Ensemble 38 ; EELV Isère (Europe Écologie Les Verts) ; FI Isère (France Insoumise) ; FSU Isère ; : JC Isère (Jeunesse Communiste) ; LDH Isère (Ligue des Droits de l'Homme) ; LIFPL (Ligue Internationale des Femmes pour la Paix et la Liberté) : LSR de l'Isère (Loisirs et Solidarité des Retraités ) ; Mouvement de la Paix Isère ; Lutte ouvrière Isère ; MRAP Isère ;

Nustra-América ; NPA Isère ; PCF Isère (Parti Communiste Français) ; PCOF ; PEPS Isère ; Société des lectrices et lecteurs de l'Huma ; Solidaires 38 ; Solidaires Étudiants ; UCL 38 (Union des communistes Libertaires) ; UEC Isère (Union des Étudiants Communistes)