Komeleya Rojnamegeran a Dîcle-Firatî (DFG) dîyar kerd ke menga temmuze de hêrişê 13 rojnamegeranê bînan ame kerdene, 16 keyepelî ameyî qedexekerdene. Goreyê raporî 77 rojnamegerî hema tepişte yê.
Komeleya Rojnamegeran a Dîcle-Firatî (DFG) derheqê binpaykerdişê heqanê rojnamegeran de raporê temmuze eşkera kerd.
Rapor de ame vîrvistene ke temmuze de DFG û Platformê Rojnamegeran ê Cinîyan ê Mezopotamya wexto ke eşkerayîye dayêne raştê hêrişê polîsan ameyî û rojnamegerî Denîze Nazlim, Sîbele Yukler û Yildiz Tar tîya de ameyê destbendkerdene. Rapor de ame vatene ke rojnamegerî Asli Alper, Emele Vural, Yakup Demîr raştê hêrişî ameyî.
DFGyî da zanayene ke zîndananê Tirkîya de hema zî 77 rojnamegerê tepişteyî est ê, hêrişê 13 rojnamegeranê bînan ame kerdene, 16 keyepelî ameyî qedexekerdene.
