Komeleya Rojnamegeran a Dîcle-Firatî (DFG) Raporê Binpaykerdişanê Heqanê Rojnamegeran ê Êlule eşkera kerd.

Rapor de dîya zanayene ke teda û hêrişê vera çapemenîya azade zêdîyenê, polîs û leşkerê dewleta tirke xebatanê rojnamegeran asteng kenê. 

Rapor de bale ameye anetene serebûtê Narîne Guran ser û ame parekerdene ke wextê teqîbê serebûtî de rojnamegerî raştê hêriş û tehdîtan ameyê.

DFGyî da zanayene ke rixmê teda, hêriş û sansuran zî rojnamegerî eşkerakerdişê raştîyan rê dewam bikerê û vat: ''Ma do sey Gurbetellîye Ersoz û Nagîhane Akarsel qerardar bibê. Bi na wesîle ma serrgêra wefatê nînan de Gurbetellîye û Nagîhane û pêro embazanê bînan bi minet û rêzî yad kenê.''

Rapor de derheqê raporê êlule de nê doneyî ameyî rêzkerdene:

-2 rojnamegerî ameyî tepiştene.

-Organêkê weşaneyî raştê hêrişî ame.

-5 rojnamegerî ameyî destbendkerdene.

-2 rojnamegerî ameyî tehdîtkerdene.

-9 rojnamegerî ameyî astengkerdene.

-Derheqê 4 rojnamegeran de tehqîqatî û derheqê 6 rojnamegeran de dewayî ameyî akerdene.

-37 rojnamegerî tepişte yê.

-5 keyepelê înternetî ameyî qefilnayene.

-699 xeberî û 409 hesabê medyaya dîjîtale ameyî astengkerdene.