Komeleya Rojnamegeran a Dîcle Firatî (DFG) raporê binpaykerdişê heqanê rojnamegeran ê çeleyî  eşkera kerd.

Eşkerayîye de ame vatene ke hukmatê AKP-MHP paştgêranê xo sey rojnamegeran name keno û rojanmegerê ke vengê komelî yê înan rê sey 'terorîst'î îlan keno. Reyna bale ameye antene serê zextê îqtîdarî yê vera rojnamegeranê çapemenîya azade ser û vatene ke ê do rixmê heme hêrişan karê xo rê dewam bikerê û vengê şarî bidê eşnawitene.

Raporê DFGyî yê menga çeleyî wina yo:

4 rojnamegerî ameyî destbendkerdene,

1 rojnameger ame tepiştene,

6 rojnamegeran rê hêriş ame kerdene,

1 rojnameger raştê muxalemeyê xirabî ame,

4 rojnamegerî wexto ke xebere teqîb kerdêne ameyî astengkerdene,

6 rojnamegerî kewtî verê tehqîqatî,

2 rojnamegeran rê dewa ameye akerdene,

5 rojnamegeran rê cezaya zîndanî ya 12 serran û 4  mengan û 12 rojan ameye dayene,

46 rojnamegerî  30 dosyayan ra yenê hukmkerdene,

 3 rojanmegerê ke zîndan de heqê înan ameyî binpaykerdene,

2 cezayê RTUKî û rojnameyêkî rê cezaya îlanbirnayîşî ya 3 rojana ameye dayene,

 30 xeberî  rê resayîşê înternetî ame astengkerdene,

 88 rojnamegerî hema tepişteyê.