Qezaya Hozan a Denîzlî de weçînitişê 31’ê Adare de namzedê HDP’yî Yuksel Kepenekî 9 hezarî û 389, reqîbê ci yê AKP’yijî Tûrgût Devecîogluyî 9 hezarî û 381 rayî girewtîbî. Serê îtîrazê AKP’yî ra rayê 41 sindoqan newe ra ameyî hûmaritene. Rayê Kepenekî 9 hezarî û 387 vejîyayî, yê Devecîogluyî bîyî 9 hezarî û 384, ferqê mabênê înan kewt 3 rayan. Dima ra zî serê îtîrazê AKP û CHP’yî yê netîceyan rayê betalî yê 13 sindoqan ê weçînitişî newe ra ameyî hûmaritene û ferqê mabênê rayan bi 1.

Tewr peynî de AKP’yî bi îdîaya ke 5 kesan bi hawayêkê “bisînorî” raye xebetnaya muracatê YSK’yî kerd. YSK’yî weçînitiş betal kerd.