Sosyologo Alman û endamê Partîya Çepî (Die Linke) yê Parlamentoya Eyaletê Hamburgî Martîn Dolzerî çalakwanê Strasbourgî yê ke semedê wedartişê tecrîdê serê Rayberê Şarê Kurdî Abdullah Ocalanî grevê vêşanîye de yê zîyaret kerdî û derheqê babete de ANFyî rê qisey kerd.

Dolzerî bala ante muhîmîya çalakîya grevê vêşanîye ser û nê vatî:‘‘ 2011 ra nata avûkatê Brêz Ocalanî ey dir nêeşkenî pêvînayîş virazî. Xora dima ra destûrê pêvînayîşî merdimanê ci zî nêdîyeno. Heme heqê esasî yê ey yenî binpaykerdene û çîyo winayên nêno qebûlkerdene. Ocalan sey Mandela eşkeno rolêko muhîm kay bikero. Bi sebebo ke AKP aşitîye nêwazeno Ocalanî ser o tecrdî ano bicaardene. Raştîye de Yewîya Ewropa û hukmatê Almanya zanê ke eke ê Ocalan û Têgerayîşê Kurdan mûxateb bigêrê no semedê Rojakewtena mîyanêne hîna hol beno. La semedê karê xo ‘way û biratîya sîlehan‘ tercîh kenî. No şermêko gird o. CPT ganî wezîfeyê xo bica bîyaro û semedê wedartişê tecrîdî û xelisnayîşê cuya Guvene tê bigêro. Ganî êyê ke aşitîye û seypêyîye wazenê wirzê lingan ser. Ma zanê ke grevê vêşanîye roja 50. ra dima zirar dano weşîye û roja 70. ra dima tehlukeyê cuye esto. No semed ra ganî her kes paştî bido ci. Ma sey demokratî eke destûrê naye bidê, no semedê ma şermêko gird o.‘‘