Bajarê Strasbourgî yê Fransa de vernîya Konseyê Ewropa (AK) de, çalakîya ke seba azadîya Rayberê Şarê Kurdî Abdullah Ocalanî yena viraştene, 6 serrî yo bêmabên dewam kena. Çalakî hewteyê ma yê averî de hetê dostanê kurdan ê ewropayijan ra yena dewrgirewtene.

Dostê ewropayijî do 22 û 26ê Teşrîna verêne de nobete tepişî. Yeno plankerdene ke çalakwanî do bi temslîkaranê Komîteya Vernîgirewtişê Îşkenceyan (CPT) û dezgehanê bînan  dîyayîşan virazî û dîqet biancî tecrîdê Îmali ser.

Endamê Konseyê Rayberdişî yê KCKyî Zubeyr Aydarî ard ziwan ke na çalakîya ke 6 serrî yo dewam kena, çalakîyêka erjaye ya û hewteyê ma yê averî de do grûbêka dostan yê Ewropa tewrê  ci bibo. Aydarî da zanayene ke eynî demî de kombîyayîşê Parlamentoya Ewropa yê dewrî esto û dîyayîşî ameyî plankerdene.