Serdozgerîya Komare ya Amedî çarçewa îfadeyanê şahîdê eşkerayî Umît Akbiyikî de tehqîqat dabi destpêkerdene û rojnamegere Bêrîtane Canozer zî nê tehqîqatî de bi îdîaya 'endamîya rêxistine' amebî destbendkerdene. Roniştişo verên ê dewaya vera Canozere Mehkemeya Cezaya Girane ya Amedî de ame kerdene. Canozere û avûkatê ci Muharrem Erbey tewrê roniştişî bîyî. Şahîd Umît Akbiyik zî bi rayîrê SEGBÎSî tewrê roniştişî bi.

Rojnamegere Canozere pawitişê xo de da zanayene ke a Umît Akbiyikî nêşinasnena û semedê xeberanê xo yena sûcdarkerdene. 

Şehîd Akbiyikî dima qisey kerd û îdîa kerd ke Canozere wextê xoverdayîşê xoîdarekerdişî yê Sûrî de mîyanê xebatan de bîya.

Dozgerîye waşt ke 'endamîya rêxistine' ra rojnamegere Bêrîtane Canozer rê cezaya zîndanî ya 15 serran wa bêra dayene.

Roniştiş taloqê 8ê kanûne ame kerdene.