Dr. Dario Azzelliyo ke aslê xo de îtalyan o la Almanya de dadîye ra bîyo û xeylêk zanîngehan de xeylêk karê zanistî kerdî heta nika bi taybetî xoîdarekerdişî, têgêrayîşanê komelkîyan, têgêrayîşanê karkeran ser o meqaleyî nuştî. Dario Azzeliniyî serra 2019î paştî dabi kampanyaya azadîya Abdullah Ocalanî.

Dr. Dario Azzeliniyî  derheqê tecrîdê Îmraliyî û bêvengîya welatanê rojawanijan de ANFyî rê qisey kerd. 

Dario Azzeliniyî îfade kerd ke seba haştîya Kurdîstan, Tirkîya û herême Rayberê Şarê Kurdî Abdullah Ocalan wayîrê rolêkê eşkerayî yo û coka azadîya ci zaf girîng a. Dario Azzeliniyî ard ziwan ke caardişê azadîya Ocalanî do samîmîyetê waştişê çareserîye bimojno û vat: ''La aseno ke Tirkîya terefgîra çareserîya haştîyane nîya.''

Zanyarê sîyasetî Dr. Dario Azzeliniyî da zanayene ke dewleta tirke tradîsyonê qirkerdişî ser o ronîyaye û vist vîrî ke tecrîdê Îmraliyî bi hawayêkê giranêrî dewam keno.

Dr. Azzelliniyî vat: ''Ocalan esîrê dewleta tirke yo. Tirkîya pê tecrîdê Îmraliyî xîret kena ke komel bêveng bikera. Tirkîya vana qey pê tepiştişê Ocalanî têgêrayîşê kurdan qedîyeno. La eqsê ci vejîya werte. Tirkîya nika verê xo nêdana çareserîya sîyasî û Abdullah Ocalan vera nêdana. Çunke tersena ke abdullah Ocalan pê dînamîkê xo çareserîya sîyasî biaferno.''