Dîrektorê Merkezê Kontr-Terorîzmî yê Neteweyî yê DYA Christopher Millerî pare kerd ke cergê DAÎŞî rixmo ke derbê pîlî werdî hema zî dinya de stratejîya hêrişkere anê ca. Millerî wexto ke raporê rêxistinanê îstîxbaratî yê derheqê gefanê vera DAÎŞî de pêşkêşê Kongre kerd, no çi ard ziwan.

Millerî eşkera kerd ke Koalîsyonê Mîyanneteweyî û DYA çinkerdişê sercerganê DAÎŞî û astengkerdişê hêrişan ê terorîstan de ser kewtî ka hema zî tehlukeyê DAÎŞî dewam keno. Goreyê Millerî Afrîka de 20 komê çekdarî yê DAÎŞî aktîf ê.

Millerî vist vîrî ke çend menganê peyênan de tay welatan de hêrişî kerdî û bi nê hawayî cergî stratejîya hêrişkerîya globale anê ca.

Labelê Millerî vat armanco tewr girîng ê cergan no yo ke bi hezaran cergan û keyeyanê înan Rojawan de kampan û zîndananê QSDyî ra biremnê.