Endamê Meclîsê Ciwan ê Partîya Şaran a Demokratîke (HDP) yê Edene, seba paştîdayîşê Hemsereka KCD’yî Leyla Guvena ke 89 rojî yo verê tecrîdkerdişê Rayberê Şarê Kurdî Abdullah Ocalanî çalakîya grevê vêşanîye yê bêdem-bêagêrayîşî de ya, çalakîye vitaşte.

Ciwanan serê pirdê rayîrê E5’î de pankarta “Vera tecrîdî bêveng memanê, veng bidê xoverrodayîşî” yo ke ser o resimê Leyla Guvene estbi dardî kerd û sloganê “Leyla Guvene rûmeta ma ya” eşt. Polîsî şîyî cayê çalakîye û pankarta ciwanan ca ra visnaye.

Ciwanan taxa Şakîrpaşayî ya ke giredayîya qezaya Seyhanî ya de zî seba Leyla Guvene û girewteyan çalakîya vengvetişî kerde. Ciwanan fîşekê hewayî teqnayî û sloganê “Leyla Guvene rûmeta ma ya” û “Biciwîyo xoverrodayîşê zîndanan” eştî.