Edene de polîsan eşt keyeyanê hunermendan ser û xeylî kesî girewtî binçim.

Edene de saetanê şewe de polîsan eşt xeylî keyeyan ser. Sereştiş de hunermendê ke beşa Merkezê Kurlturî yê Mezopotamya (MKM) ke bi Qerarnameyê Hukmê Qanûnî (KHK) ameyebî qefilnayene de xebityenê ameyî binçimkerdene. Polîsan keyeyî ser û bin kerdî û ê ke girewtî binçim înan rê îşkence kerd.

Goreyê zanayîşan kontrolê weşîye ra dima hunermendî merkezê polîsan ê bajarî de yenî tepiştene.

Êyê ke ameyî binçimkerdene  mîyanê înan de endamê Koma Pelî Îlyas, Arzu, Devran û Devrîm Ozluk û Koma Qêrînî ra Jîyan Savci, Dîlan Sundunke û Helîn Ozbaye, hunermandanê verênan ê MKMyî ra Îmran Akin û Mecît Ozlukî ya pîya cinîya ci û  domanêkê ci yo 1 serre zî esto.