Tepişteyanê PKK û PAJKî 27ê teşrîna peyêne de zîndananê Tirkîya û Vakurê Kurdîstanî de vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê tepişteyan grevê vêşanîye yê bêdem-bidorî dabi destpêkerdene. Grevê menga hîrêne de dewam keno.

Hemsereka Komeleya Huqûqnasanê Seba Azadîye (OHD) Bunyamîn Şekero ke xîret keno rewşa tepişteyan nizdî ra teqîp bikero persê ANFyî cewab kerdî.

Şekerdî derheqê grev û rewşa tepişteyan de nê vatî: ''Seba ke grev sey bidorî yena kerdene hûmara çalakwanan zelal nîya. Nika 170 zîndanan de grev dewam keno. Derheqê tepişteyanê ke kewtî grev de cipêrsayîşî dîsîplînî yenê destpêkerdene. Yew zî êyê ke tewrê grevê benê hucreyan de yenê cakerdene. Bitaybetî Zîndanê Amedî yê noyê 1-2î de tengayî estî.

Waştişê tepişteyan waştişê komelkî yê. Waştişê ke komelî eleqedar kenê yê. Grevê verî nê de rayrapêroyîya demokratîke veng dayêne tepişteyan û vatêne şima grevê biqedinê, waştişê şima yê ma yê, ma do sey muxalefetê demokratîkî xîret bikerê ke waştişê şima berê ca. La seba ke nê sozî nêameyî caardene ewro serê birêz Ocalanî de tecrîd xorîyêr bi û zextê vera komelî zêdîyayî.

Eke  rayapêroyîye wezîfeyê xo biardene ca, beno ke hînî grevê vêşanîye nêbîyene.Tepişteyî seba ke yewna alternatîfê înan çîn o xo wîna îfade kenê. Vanê ke vera nê zextan û neheqîye ma nêeşkenê bêveng bimanê. Êyê ke hay teber de herinda wayîrvejîyayîşê grevî de ganî kêmayîya xo vînê û wezîfeyê xo bîyarê ca.

Ewro têna vera kurdan ney heme şaranê Tirkîya rê zext yeno kerdene. Tecrîd yeno manaya dosnayîşê şarî. Her çiqas HDPyî ser o zextê giranî bibî zî  hetê demokratîkî yê bînî zî nêeşkenê vengê xo bidê eşnawitene.

Birêz Ocalanî ser o 22 serrî yo tecrîd esto. Tecrîd çirey nêqedîya. Bitaybetî 2011 de ra nata yeno waştineke birêz Ocalan şarî ra bêro dûrîfînayene. Ge- ge kerd sist keye û avûkatan o dî la 21 serran de têna rayêke heqê xo yê telefonî şuxulna. Coka grevê vêşanîye ame destpêkerdene. Heme muxalîfî zîndanan de yê.''