Nobeta çalakîye ya Emîne Şenyaşar û Ferît Şenyaşarî verê Edlîyeya Riha de roja 186. de dewam kena.

Wextê nobete de Emîne Şenyaşar musaye ke bi bahaneya ke Wekîlê AKPyî Îbrahîm Halîl Yildizî rê heqaret kerdo ci rê dewa ameya akerdene û bi bahaneya ke 'Wezîrê Karanê Zereyî Suleyman Soyluyî rê heqaret kerdo' gereka îfade bida. Emîne Şanyaşar îfadeyê xo de vato ke aye çewî rê heqaret nêkerdo û îfadeyî ra dima zî çalakîya xo ra dewam kerd.

Keyeyî hesabê xo yê twitterî de vat: ''Wexto ke gerrekerî wekîlê AKPyî benê cade dewa yena akerdene. Semedê dadîya ke gêrena edaletî 4 serrî cezaya zîndanî yena waştene. Wekîl Yildiz û keyeyê ci verê kamerayan de 3 merdimî kiştî, 3,5 serrî ney ra derbaz bîyî. Hema zî vera înan dewa nêameye akerdene.''