Şaristananê Bielefeld û Gîesenî yê Almanya û şaristananê Zurich û Bernî yê Swîsre de çalakîyî ameyî viraştene.

Endamê Têgerayîşê Ciwanan ê Şorişgêran (TCŞ) û Têgêrayîşê Cinîyan ê Azadan (JCA) şaristanê Bielefeldî yê Almanya de kom bîyî û çarçeweya hemleya "Meverdê" de seba Rojawanî şîyê. Ciwanî  pankarta bi nuşteyê "Rojawanî de şerî rê rayîr mede" şîyê û verba îşxalkarîye dêsan ser o sloganî nuştî.

Şaristanê bînî yê Almanya de Giessen de zî serrgêra komploya 9'ê Teşrîna Verêne û hêrişê îşxalkarî yê verba Rojawanî ameyî şermezarkerdene. Ciwanî bi nê armancî şan  kom bîyî û çalakîyêka bêîteatîya sivîle viraşte.

Şaristanê Zurîchî yê Swîsre de zî nêzdîya 200 ciwanê Kurdistanî û enternasyonelî kom bîyî û bi alayanê YPG û YPJ'yî çalakîyêke vitaşte. Çarçeweya hemleya "Meverdê" de şaristanê Bernî de zî çalakîyêka pîle estbî. Çalakîye de slogana "Biciwîyo Xoverdayîşê Rojawanî" ameye vatene.