Polîsanê Tirkî Enqere de saetanê rewî ê serê sibayî de eşt xeylî keyeyan ser. Sereştişan de  11 kesî ameyî destbendkerdene.

Ame zanayene ke di operasyonê cîyayî virazîyayê. Qismêkê êyê ke ameyê destbendkerdene kesê ke dimayê Qerarnameyê Hukmê Qanûnî (KHK) kar ra erzîyayê û Yuksel de çalakî viraştê bîyê. Çarçiwaya operasyonê bînî de zî îdarekarê HDPyî yê bajarê Enqereyî Abuzer Kisa ame destbendkerdene. Polîsan eşt keyeyê rojnameger Kenan Kirkayayî zî ser la Kirkaya keye de nêbi.

Kesê ke ameyê destbendkerdene nê yê:  îdarekarê HDPyî yê bajarê Enqereyî Abuzer Kisa, Denîz Aydin, Murat Çeşme, Gulnaz Bozkurt, Sîmge Aksan, Mahmut Konuk, Ozge Çirpan, Burak Aydemîr, Selvî Polat, Mehmet Dersulu û Îlker Işik.