Xoverdayîşê hemsereka KCD’yî û parlamentera Colemêrgî Leyla Guven a ke vera tecrîdkerdişê Rayberê Şarê Kurdî Abdullah Ocalan kewtebî grevê vêşanîye, roja 125’ine de yo. Guvene ra dima hepisxaneyanê Tirkîya û Kurdistanî de zî girewteyan 1’ê Adare ra nata dest bi grevê vêşanîye kerdibi.

Bi amancê paştdayîşê xoverdayîşî Erol Dundar o ke daweya Partîya Şorişgêranê Komînaran/Bîrlîk (DKP/Bîrlîk) ra girewte yo, 1’ê Adare ra nata dest bi grevê vêşanîye yê bêdem û bêagêrayîşî kerd.

Hetê bînî ra DKP/Bîrlîkî yê ke Hepisxaneyê Tîpê F’yî yê Edirne, Hepisxaneyê Tîpê F’yî yê Kandira, Hepisxaneyê Tîpê F’yî yê Kiriklar, Hepisxaneyê Cinîyan ê Bakirkoyî de zî girewte yê bi eynî amancî 7 rojî kewtî grevê vêşanîye. Girewteyan bi rayîrê keyeyanê xo peyam şawit û da zanayene ke 11’ê Adare ra nata dest bi çalakîye kerdo.