Partîya Çep a Keske yê Esenyurtê Îstanbulî de bi şîarê “Ma hêvî, têkoşîn, xoverdayîşî xurtêr kenê” mîtîng organîze kerd. Namzedî Dersim Dag, Çîçek Otlu, Cengîz Çîçek, Îskender Bayha û Başak Demîrtaş û bi seyan kesî tewrê mîtîngî bîyî. Meydan bi beyreqanê Partîya Çep a Keske xemilîya, şar bi kincanê xo yê neteweyîyan tewrê  mîtîngî bi û tîlîlî û deyranê kurdkî govende girewte.

Mîgîngî bi muzîkî dest pêkerd û dima ra Hemserekanê HDPyî yê Esenyurtî şar silam kerd. Hemserekê HDPyî yê Îstanbul Ferhat Encu zî şar kurdkî silam kerd û vat vera îradeyê înan çew nêeşkeno vindero. Dima ra namzedê Partîy Çep a Keske yê herêma hîrêyinî dîyayî naskerdene.

Namzedan ra İskender Bayhanî qiseykerdişê xo de balê ante zilm û zextê îqîtdarî ser û ma vat ê do 14ê gulane de hesap bipersê. Çîçek Otlu zî vat ê do tecrîdê Îmraliyî bin bifînê. Gama ke nameyê Rayberê Şarê Kurdî Abdullah Ocalanî ame vatene meydanî ra slogana'Bijî Serok Apo' bîye berze. Dêrsimî Dag zî hêrişê vera ziwan û kulturê kurdan vîst vîrî û vat ê ke dişmenîya kurdan kenê do 14ê gulane de bêrê şawitene. Cengiz Çîçek zî wina vat: “Pêrodayîşê me vera faşîzmî pêrodayîşê azadîye yo. Ma do 14ê gulane de nê îqtîdarî ra bixelisîyê. Na seserre do biba seserra kurdan. Ma do 14ê gulane de Erdoganî bişawê.” Badê qiseykerdişan şarî govende girewte û mîtîng pê tîlîlî, slogan û çapikan qedîya.