Ewropa de çalakîyî: Xoserîya Şingalî bişinasnê

Kurdîstanijan û dostanê înan Ewropa de bi çalakîyan Qirkerdişê Şingalî şermezar kerd, bale ante gefanê vera Şingalî ser û vat: ''Heta ke statuyê Şingalî bi fermî nêşinasîyo Şingal tim binê tehlukeyî de yo.''

ANF
MERKEZÊ XEBERAN
04/08/2022, 07:22

3ê Tebaxa 2014î de DAÎŞî Şingal de bi hezaran êzidîyî qir kerdbî, cinî û domanê êzidîyî remnabî. Serrgêra 8. ya qirkerdişî de vizêr xeylêk şaristananê Ewropa de kurdîstanijî û dostê înan vejîyayî meydanan û înan qirkerdiş protesto kerd, qurbanê qirkerdişî yad kerdî.

Çalakîyan de ame vîsvistene ke wextê qirkerdişî de hukmatê Iraqî û Herêma Kurdîstanî êzidîyî nêpawitî û dewleta tirke de paştî daye DAÎŞî. Çalakîyan de alayê YPG, YPJ, HPG, YBŞ û PKKyî, fotografê Rayberê Şarê Kurdî Abdullah Ocalanî ameyî kiriştene; sloganê sey 'Bimiro îxanet', 'Şehîdî nêmirenî' ameyî vatene. Qiseykerdişan de ame waştene ke wa Qirkerdişê Şingalî sey jenosîdî bêro qebulkerden, bi hawayêkê fermîyî statuyê Şingalî bêro şinasnayene, wa wayîrê Şingalî bêro vejîyayene, hêrişê dewleta tirke yê vera Şingalî bêrê qedînayene.

London