Seranserê Ewropa de Kurdistanijî û doste înan vera hêrişanê dewleta tirkî yê serê  Mexmûr û Şengalî vejîyayî meydanan.

STOCKHOLM

Paytextê Swêdî Stockholm  de bi heman waştişî  Kurdistanijî meydanan de bî. Çalakwanan pankartê ‘Kurdistan de qirkerdişan vindarnê‘ û ‘Dewleta tirke Rojawan ra Biteqezye‘  akerdî û vera hêrişan bêvengîya Ewropa protesto kerd.

BORLANGE

Bajarê Borlange yê Swêdî de rayberîya Têgêrayîşê Ciwanan ê Şorişgêrî de hêrişê dewleta tirkî ame protestokerdene. Çalakwanan posterê Rayberê Şarê Kurdî Abdullah Ocalanî û beyreqê PKK, YPG û YPJyî kiriştî û bi sloganan hêrsê xo ard ziwan.

BERLÎN

Paytextê Almanya Berlîn de zî Kurdistanijan vera hêrişê dewleta tirkî çalakîyêk viraşte. Çalakwanan  vat ke Erdogan kurdan qir keno Alamanya û Ewropa zî bi bêvengîya xo paştî danî ci.

FRANKFURT

Bajarê Frankfurtî yê Almanya de zî Kurdistanijî bi pankartê‘ Erdogan Kurdistan de qirkerdiş virazeno‘ kuçeyan de bî. Çalakwanan bi slogananê  ‘Erdoxano kiştox’ û ‘ Bicuyo xoverdayîşê YPG û YPJ‘ yî hêrişê dewleta tirkî şermezar kerd. Çalakwanan de zanayene ke çalakîyê înan do dewam bikerî.

STUTTGART

Bajar Stuttgart de zî çalakîya  bêîtaatî ya sivîle ameye viraştene. Çalakwana hemverê hêrişan de bale ante muhîmîya yewîya neteweyîye.

KOLN

Koln de zî Kurdistanijê ke bajaranê Troisdorf, Euskirchen, Bonn, Bergheim û Bergisch Gladbachî ra ameyî pêser, verê Kilîseya Domî de  çalakîyêk viraşte.

 HILDESHEIM

Hildesheimde zî hêrişê dewleta tirkî yê vera kurdan û bêvengîya Ewropa ameyî protestokerdene.

MARSÎLYA

Bajarê Marsîlya yê Fransa de zî bi çalakîyêk hêrişê dewleta tirkî yê serê Mexmûr û Şengalî ameyî protestokerdene. Çalakwanî verê temsîlkarîya Yewîya Ewropa yê Marsîlya de ameyî pêser û hêrişê dewleta tirkî û bêvengîya Ewropa protesto kerdî.

VÎYANA

Paytextê Awusturya Vîyana de  vera hêrişanê dewleta tirkî Kurdistanij û dostê înan pay ra bî.  Çalakwanan bi slogananê ‘Erdogano kiştox‘ û ‘Bicuyo yewîya Kurdistan‘ hêrişê dewleta tirkî protesto kerdî.

 GRAZ

Bajarê Grazî yê Awusturya  de zî bi çalakîyêk hêrişê dewleta tirkî yê serê Mexmûr û Şengalî ameyî protestokerdene.

BASEL

Bajarê Baselî yê Swîsre de zî hêrişê dewleta tirkî bi çalakîyêk ameyî protestokerdene.

Graz de zî  vera hêrişanê dewleta tirkî Kurdistanijî vejîyayî kuçeyan û bi solganan hêrişar û paştgêrê înan şermezar kerdî.

ÇalakîyÎ do ewro zî dewam bikerî.