Tecrîdê serê Rayberê Şarê Kurdî Abdullah Ocalanî Ewropa de bi çalakîyanê grevê vêşanîye yeno protestokerdene.

BERLÎN

Paytextê Almanya Berlîn de bi eşkerayîyêka çapemenîye meydanê Brandenburg Torî de grevê vêşanîye ame destpêkerdene.

Eşkerayîye de parlamentera verene ya HDPyî Sibel Yigitalpe vat ke ganî tecrîd cadê bêro wedartene û prosesê muzakereyî bêro destpêkerdene.

KOLN

Bajarê Kolnî de zî bi tewrbîyayîşê 85 tenan grevê vêşanîye ame destpêkerdene.

Çalakîya ke verê Kilîseyê Domî de yena viraştene de parlamenterê verenî yê HDPyî Nursel Aydogane ûTugba Hezere, hemserekê KCDK-Eyî Yuksel Koç û hunermend Xelîl Xemgînî ya pîya 80 tenî ca gênî.

STUTTGART

Stuttgart de zî Kurdistanijan dest bi grevê vêşanîye yê 10 rojan kerd. Çalakwanan  bale ante tecrîdê serê Ocalanî ser û vat ke waştişê Leyla Guvene waştişê heme kurdan o.

HAMBURG

Hamburg de zî bi tewrbîyayîşê 30 tenan Merkezê Komelê Kurdan ê Demokratîkî de grevê vêşanîye yeno viraştene. Çalakî do heta 21ê Kanûne dewam bikero.

MARSÎLYA

Fransa de zî Kurdistanijê ke bajaranê Marsîlya, Montpellîer, Marîganan û Draguîngnan de ciwîyenî  verê Walîtîya Marsîlya de xeymî ronayî û dest bi grevê vêşanîye kerd.

LÎMASOL

Paytextê  Kibrisî Lîmasol de zî  seba wedartişê tecrîdî çalakîya 4 rojan ameye destpêkerdene. Çalakwanan çalakîya Leyla Guvene zî silam kerd.

ATÎNA

Paytextê Yûnanîstanî Atîna de zî bi heman waştişî grevê vêşanîye ame destpêkerdene.

VÎYANA

Paytextê Awusturya Vîyana de zî seba protestokerdişê tecrîd û bêvengîya mîyanneteweyîye grevê vêşanîye ame destpêkerdene.

LONDRA

Paytextê Îngîlîstanî Londra de zî bi waştişê wedarnayişê tecrîdê serê Ocalanî grevê vêşanîye yeno viraştene.

STOCKHOLM

Paytextê Swêdî Stockholm de zî Kurdistanijan û dostanê înan semedê wedartişê tecrîdî û azadîya Ocalanî dest bi grevê vêşanîye kerd.