Fadayîye ra tawîz nêda

Kendal Sûrûço (Mehmet Kaya) ke  25ê Tebaxa 2019î de  Heftanîn de şehîd bi, sey cuya xo têkoşînê xo de zî fedayîye ra tawîz nêda.

Kendal Sûrûç (Mehmet Kaya) tewrê şerê gerîllayî yê Heftanînî bi, heta helmê peyênî bi hawayêkê xurtî têkoşîya û 25ê tebaxe 2019î de şehîd bi. Hemrayê ey Firat Vartoyî behsê ey kerd.

Firat Vartoyî ard ziwan ke serra 2016î de Kendal Sûrûç nas kerdo, nêzdî serrêke pîya xebitîyayê û vat: “Embazêko ciwan bî û enerjîyê ciwanîye ey ser o bî. Seba embazan moral bi. Seba ey girîng nêbî ke çi kar êno kerdene, seba ey girîng bi ke sey şorişgerêk bibo wayîrê kede. Merdimêko durist bi. Embazanê xo ra çîyêk nênimnayêne, înan de pare kerdêne. Pîşta her kesî ey ser o rast bîye. 

Vartoyî dîyar kerd ke Kendal Sûrûç seba kede û afirnayîşî tim cad kerdêne û vat: “Her çiqas ciwan bî û naye ra ver mîyanê şertanê zoran de nêciwîyaybî zî, demêkê kilmî de xo da ra cuya gerîlayan. Baş fehm kerd ke mîyanê gerîlayan de her çî bi kede êno afirnayene û ey zî yew cuya bi kede xorê kerde binge. Bêvind xebitîya.”

Vartoyî ard ziwan ke Kendal Sûrûçî rastîya rexnekerdiş û xorexnekerdişî bi vateyê “xo jehrî ra pakkerdiş”î pênase kerdêne û vat: “Na babete de gelek hesas bi. Her tim vatêne ke ma çiqas bixebitê zî verê rastîya şehîdan û partîye de kêm ê û ma ganî bi hawayêkê rastî hêcayê înan bê.”

Firat Vartoyî nîşan kerd ke Kendal Sûrûç bêteredût vera galanê îşxalî yê Dewleta Tirkan xo ver da û vat: “Sey cuya xo, xoverdayîşê xo de zî fedayîye ra tewîz nêda. Demê galê dişmenan de şiknayîşê galî de bî wayîrê rolêkê pîlî. Operasyonê “pençe”yî de hêzê gerîlayan bi çalakîyanê xo eşkera kerd. Heta 25ê tebaxe 2019î ke şehîd bi musna ma ke ma ganî senî xo ver bidê.”