Almanya de serranê peyênan de nîjadperestanê tirkan bi taybetî medyay komelkî ser o muxalîfanê rejîmê Erdoganî rê gefî wendêne. Partîya Çepe ya Almanya (Die Linke) gefê kiştişî yê rejîmê Erdoganî berd rojdemê Meclîsê Federalî.

Derheqê babete de Vervatoxa Karanê Zereyî yê Partîya Çepe Ulla Jelpke vernîyazêk pêşkêş kerd ke wa Wezaretê Karanê Zereyî cewab bido ci.

Wezaretî pare kerd ke mabênê hezîrana 2016î û 1ê adara 2021î de nîjadperestanê tirkan pê rayîrê telefonî, e-postayan û hacetanê elektronîkan qasê 24 kesan rê gef wendê. Goreyê wezaretî sîyasetmedarê kurdî, Partîya Çepe û sîyasetmedarê HDPyî, hunermend, nuştox, rojnameger ûsn. zî maruzê nê gefan mendî.

Wezaretê da zanayene ke nê kesê ke gefan wanenê zêdêr camêrd ê û koçberê tirk ê, nîjadperestê raştgîr ê.