FEDA: Ma pêro pîya  Çimeyanê Munzurî bipawê

FEDA semedê pawitişê Çimeyanê Munzurî veng da û vat ganî vera îqtîdaro ke wazeno  ercanê kurdan ê elewîyan û Dêrsimî çîn bikero, têkoşîn bêro xurtkerdene.

Federasyonê Elewîyan ê Demokratîkan  (FEDA) derheqê hêrişê vera Çimeyanê Munzurî de eşkerayîyêke daye û nê vat:

''Awa sipîya sey şitî ke Çimeyanê Munzurî ra vejîyena cuya dana cinawire, milçik, nebat, merdiman û xoza. Çimeyî pîya bi  Koyê Munzur Bawayî bimbarek ê û înan ra mirad yeno waştene. Îqtîdar bi hawayêkê sîstematîkî hêrişê ercanê ma keno. Zîhînîyeto faşîst wazeno ke tarîx, kultur, ziwan û nasanmeyê ma û ercanê Raya Heqî çîn bikero. Pê torranê  dame, kamera, ajans, îstîxbaratî wazenê ke xeta xoverdayoxe ya Dêrsimî bişiknê û îslamê tirk-sunî tede ca bikerê. Dewleta tirke semedê pêserkerdiş sermaye û îqtîdarî dest nana awe, daristan, ercanê binî erdî û pîya bi înan komelbîyayîşî medimî ser. Wazena ke Dêrsim û Kurdîstanî bikerê veng. Têna bi têkoşînê rêxistinkerdeyî nê hêrişî yenê vindarnayene. Nika waxtê yewbîyayîş û pîya vera nê hêrişan têkoşînkerdiş o.''