Almanya de 9ê tebaxe de (ewro) serê sibayî vera Merkezê Kulturî yê Elewîyan ê Durenî yo ke pabesteyê Federasyonê Yewîya Elewîyan ê Almanya (AABK) hêriş ame kerdene.

Federasyonê Elewîyanê Demokratîkan  (FEDA) bi eşkerayîyêke hêriş şermezar kerd. Eşkerayîye de nê ameyî parekerdene:

''Nê hêrişê faşîst û nîjadperestî yê ke têdima vera dezgehanê elewîyan yenê kerdene, ma înan şermezar kenê. Eke Erdoganî cemxaneyî sey keyeyê kayî nêhesibinayêne û sey îbatxaneyî qebûl bikerdêne û zîhnîyeto înkarker ê dewlete pêzorî dersa dînî medayêne domananê elewîyan û bawerîya înan nas bikerdêne  nê hêrişî nêameyênî kerdene. Erdogano ke herinda qebulkerdişê waştişanê elewîyan de îbadetxaneyê elewîyan goreyê xo dîzayn keno, herinda qirkerdişê vera elewîyan dir têrîameyîşî de nêwazeno binê fotogranê rayberanê elewîyan de  fotograf vejo  qetî nêeşkeno bibo adresî çareserî. Eşkera eseno ke hêrişkarê ke dewlete ra hêz genê do hema hêrişan bikerê. Nê hêrişê peyênî tesaduf nîyê. Nê hêrişê plankerde yê. Ma ganî pêro bibê yew û vera nê hêrişan vejîyê. Ganî elewîyî vera hêrişan rêxistinkerde pîya têkoşîn bikerê. Sere de elewîyî ma veng danê heme hêzanê demokrasîyî, bêrê ma pêro pîya têkoşîn bikerê.''