Nuştox û rojnameger Letîf Fatîh Ferecî derheqê tecrîdê vera Rayberê Şarê Kurdî Abdullah Ocalanî, xebatanê Partîya Çep a Keske û hemkarîya Erdogan-Huda-Parî-PDKyî de ANFyî rê qisey kerd.

Feracî vist vîrî ke dewleta tirke bi destekê Amerîka û NATOyî sîstemê tecrîdî rê dewam kena. Feraacî ard ziwan ke Ocalanî wextê prosesê çareserîye de seba haştîye zaf xîret kerd û vat: ''Rayber Apoyî qetî xoverdayîşî ra apey gamêke nêeşte. Ewropa verê ey de mesuldar a ke azadîya ci bîyara ca. Erdoganî û AKPyî seba ke Qendîl de reyna pêvînayîş bikerê waşt ke Abdullah Ocalanî bivînê. La Ocalanî no red kerd çunke înan verî rixmê hende sozan gonîye rijnaye.''

Feracî îfade kerd ke weçînayîşanê 14ê gulane de îqtîdarê AKP-MHPyî do bin bikewo û vat: ''Kurdî hêzê girîng ê, kam wazeno bibo îqtîdar ganî hêverî raya kurdan bigêro. Nê weçînayîşî seba Başûrî zî girîng ê. Eke AKP bin bikewo ma do verê hêrişan bigêrê. Eke Erdogan nê weçînayîşan de şoro seba çareserîya meseleya kurda gamê neweyî do bierzîyê. La ganî bizanîyo ke mefteyê çareserîye Washington, Paris yan zî Anqara de ney Îmrali de yo. Partîya Çep a Keske seba çareserîye zaf xîret kena. La raştê zulmê AKPyî yena. Coka ganî Erdogan bêro binvistene.''

Feracî bale ante ser ke hemkarîya PDKyî ya bi AKP û Huda-Parî şarê kurdî rê îxanet a. Feracî da zanayene ke Îqtîdarê AKP-MHPyî pê operasyonanê qirkerdişê sîyasîyî keno ke weçînayîşan de ser bikewo. Feracî vat: ''Şarê kurdî qetî verê nê kerdişan de çok nêşoro erdî ro. Bêguman şarê ma bedelê giranî dayî la peynîya ney qetî do biba serfîrazîye.''