Onur Gencero ke xebetkara HDPyî Denîze Poyraz qetil kerde, hesabê ci yê medyaya dîjîtale de fotografê ci yê biçeke û yê ke tekîlîya ci bi îqtîdarê AKP-MHPyî ramojenê vejîyayî werte.

Qetilkarî (27) îfedayê xo yê verênî de îdîa kerd ke ê bi xo seba ke PKKyî rê qehrîyeno hêriş kerd. La hesabanê ci yê medyaya dîjîtajî de yeno vînayene ke no hêrişêko plankerde yo.  Hesabanê ci de hem fotografê biçeke hem zî vatişê dişmenkî estê. Reyna fotografê ke Sûrîye de ameyî antene zî estê. Înan ra yewî de Minbic de mewzî de yo destê ci çeka ke dewleta tirke şuxulnena esta. Heleb de zî serê ci de kincê kamûflajî yê leşkerî estê û nîşanê bozkurtî keno. Bewlî yo ke fotograf cayêko leşkerî de vejîyayo. Nê fotografan ra yeno fehmkerdene qetilker mîyanê awanîyanê peremîlîteran ê dewleta tirke de ca geno û serranê peyênan de Sûrîye de mendo.